如果你係租屋住，住得乾唔乾淨會直接影響到你攞唔攞得返全額嘅按金。

租約完結嗰陣，基本規則係「入住條件點樣，歸還果陣就要點樣」，所以對於啲租客嚟講，可能要花一段時間清潔，洗地、抹塵、除油污等等。

唔乾淨會扣押金

如果你走嗰陣屋企嘅清潔程度同你入嚟嗰陣唔同，房東係有權扣走部分或者全部嘅按金。點解呢？因為要房東要花時間同金錢去幫你清潔返個單位。

常見因為清潔需導致被扣按金嘅情況包括：明顯污漬係地毯、淋浴玻璃有水垢、洗衣機密封圈有黑霉、牆壁有筆跡等等。

開始清潔但無從入手？

如果你嘅租約快到期，但唔知應該由邊度開始清潔。呢度有個少少嘅建議，據租房按金計劃（TDS）做過嘅調查，發現最多房東投訴最污糟嘅地方係廚房，高達84%嘅房東話廚房係最唔乾淨，其次就係浴室。

點樣對付塵同污漬

你應該跟返租約嘅文件去做清潔。入伙嗰陣嘅檢查報告同物品清單（稱inventory report）係好重要，因為呢啲文件有你入伙嗰日嘅清潔狀況，當中會有文字描述同埋相片證據。

攞住呢啲文件，逐間房睇下有咩要徹底清潔，有咩可能要搵專業服務，有咩可以搬走之前清一清就得。唔好唔記得要檢查埋電器、走廊、櫥櫃、花園、露台同埋外建物。

留多啲時間清潔屋企，準備好啲啱用嘅清潔工具，好似去水垢、寵物毛、油污、污漬同埋霉嘅產品。如果啲污漬唔係簡單抹得走，你可能要重新油過牆（記住，一定要先問過房東或者中介）。

搵專業嘅清潔公司

如果你覺得自己冇把握清乾淨，咁可以考慮搵專業嘅清潔公司。好多公司提供租約完結嘅深層清潔服務，佢哋會知道檢查嘅重點係邊。如果你搵咗專業清潔公司，最好畀返入住嗰陣嘅檢查報告同埋物品清單畀佢哋。

如果你對清潔呢個部份有任何疑問，歡迎聯絡我哋。