我哋成日都想為擁有嘅物業增值，但其實呢個係咩意思呢？房屋增值指嘅係對屋企作出改變或者改造，增加佢嘅售價。比較舊嘅樓嘅增值方法通常涉及將單層玻璃換成雙層玻璃，安裝新嘅浴室同廚房，同埋翻新暖氣系統。而比較新嘅物業仍然可以增加價值。例如重新裝修、創造街外泊車位同改善能源效益等。

如果想增加更多價值嘅話，甚至可以考慮擴建、改建同增建，擁有更多睡房同生活空間嘅物業將會有更高嘅價值。呢類高價值增值行為，通常都需要規劃許可 （Planning Permission）

根據Home Sale Pack最新嘅調查結果發現，有規劃許可嘅房屋喺市場上出售時平均價格溢價係11%。

你可能會問，點解買家願意為已經有Planning Permission嘅房屋支付更多呢？有二個主要因素。

首先，Planning Permission係一個保證，確保工程可以進行，亦確保已完成嘅改建係合法合規格。唔同於「有擴建潛力，但需經過規劃許可」呢句話，呢句話冇任何保證。

第二，可以節省買家自己經過規劃申請嘅麻煩。根據擴建/改建的規模不同，申請Planning Permission嘅等待時間也不同，最長的可能需要1-2個月時間等待。所謂時間就是金錢，已經擁有Planning Permission嘅改建房屋，將會值更多錢。

規劃許可嘅快速指南

1）首先要搞清楚你嘅物業能唔能夠擴建或改建。要點樣識別你嘅物業是否適合擴建、改建或者重新設計？可以睇下以下幾點。

-如果鄰近嘅物業已經被改建，你都有好大機會可以改建。

-聯繫你當地嘅council：規劃申請程序喺英格蘭、蘇格蘭同威爾士之間有所不同，所以你一定要獲取具體嘅建議。告訴你當地嘅規劃部門你嘅項目性質，佢哋會告訴你呢項工作是否需要任何同意或者許可。你有時可以要求概略規劃許可，以確定項目是否可行同可能獲得批准。咁樣可以避免你喺全面規劃許可申請上浪費時間同金錢。

2）之後，要畫出計劃：

請建築師、建築商或者規劃顧問為你嘅計劃製作準確比例嘅圖紙。根據Checkatrade，呢項費用平均係£750。

3）提交你嘅計劃：

呢個將通過網上進行，並需支付一個費用。喺英格蘭，對單一住宅或者單位進行改造/擴建嘅全面規劃許可申請費用大約係£258。喺威爾士，大約係£230；而喺蘇格蘭，預計支付約£300。

4）等待批准：

你當地嘅council將審查你嘅提交內容同其對當地環境嘅影響。過程可能包括發布申請詳細信息同通知鄰居。喺呢啲情況下，本地社區將有機會發表意見。決定應該喺2個月內出現。申請人如果未獲得許可，可以提出上訴。

所有已獲批准嘅計劃喺英國都可以透過網上搜索找到。如果你嘅物業有規劃許可，請喺我哋為你嘅物業進行估價之前，話比我哋知。